მეხანძრეები ლენტეხში სოფელ ზესხოს ტყეში გაჩენილი ხანძრის ჩაქრობას ამ დრომდე უშედეგოდ ცდილობენ. ხანძრის სალიკვიდაციო სამუშაოებში  ვერტმფრენი დღესაც ჩაერთო. 
საგანგებო სიტუაციების მართვის სამსახურის ინფორმაციით 150-მდე მეხანძრე-მაშველმა ცეცხლის სალიკვიდაციო სამუშაოები დილიდან განაახლა. მათივე განცხადებით ადგილზე მუშაობენ თბილისის, შიდა ქართლისა და იმერეთის მეხანძრე-მაშველებიც. ამ დროისთვის ადგილზე დარჩენილია ცეცხლის რამდენიმე კერა და ძირითადად დაკვამლიანება შეინიშნება.
ცეცხლის გაჩენის სავარაუდო მიზეზად ადგილობრივები მეხის დაცემას მიიჩნევენ.